تعالو ننتقد خالد طلعت موقع فيلجوول

اقتباس :

تعالو ننتقد خالد طلعت
24
انا بحبك جدا ككاتب وانا مش زمالكاوى متعصب عشان ازعل من المقاله دى لكن جانبك التوفيق جدا اولا الزمالك بيبتدى الموسم مع اصعب فرق الدورى يعنى الحرس"الوحيد اللى بيكسب الاهلى"-بتروجيت-انبى-اسماعيلى اول اربع لقائات وده اكبر من طاقه فريق فى مرحله بناء زى الزمالك ومع ذلك لعب مباراتى الحرس وبتروجيت بصوره ممتازه بغض النظر عن خساره نقطتين امام الحرس
ثانيا صفقات الزمالك اللى شفناها جيده جدا فابو كونيه لاعب مجتهد واتوقع انه هيكون اساسى الفتره المقبله وعاشور الادهم احسن بمراحل من احمد مجدى فى مركز الارتكاز لاننا جربنا مجدى وكان بطىء جدا واسهاماته الهجومية معدومه ومع ذلك انا حزنت لرحيل مجدى لكنك ناسى انه كان مصر على الرحيل او اللعب اساسيا وده مش كلام ويونس مدافع جيد وينفع كأساسى ثم ان عندنا منجم ذهب اسمه ناشئين الزمالك مش هنكدس فى لعيبه كسر ونبيع موهوبيننا ببلاش والحضرى بيعطى ثقل معنوى حتى للجمهور ووجوده ضرورى لان عبد الواحد يحمل الرقم القياسى فى الاصابات كحارس مرمى!
----
اما اهم سقطاتك فهى الحديث عن شيكابالا..اللعيب ده هو احسن لعيب كورة فى بلدك وهو الموهوب الوحيد فى الزمالك بجانب ياسر المحمدى"ومفيش مقارنه بينهم طبعا" يعنى شيكا هو قلب الزمالك وعقله المفكر وخسارتنا من انبى سببها ان شيكا بعيد عن الفورمه وحتى لو كنا جبنا وليد سليمان اللى هو ابرز الموهوبين فى الدورى فهو لا يقارن بشيكا (سيبك من ان مفيش موهوبين غيره وهو كان عاوز الاهلى)ويستحق اى مبلغ يتدفع فيه بدل ما نجيب لعيبه كل سنه ويفشلوا كلهم زى جونيور ومجدى عطوه ويوسف حمدى وسامح يوسف.
---
محمد عبد الله مين يا راجل اللى مكنش المفروض نستغنى عنه؟حرام عليك
---
انا معاك ان الصفتى اقل من الزمالك لكن هل دى غلطه العميد؟ماهو معندهوش بدائل احسن وهانى سعيد الحدود والمعتصم رفضوا الانضمام..ينسحب يعنى؟